ໃນວັນທີ 15-16 ສິງຫາ 2022 ກົມຊັບສິນທາງປັນຍາ ກະຊວງອຸດສາຫະກຳ ແລະ ການຄ້າ ສົມທົບກັບ ອົງການ GRET ພາຍໃຕ້ໂຄງການສົ່ງເສີມ ແລະ ປົກປ້ອງສີນຄ້າຖີ່ນກຳເນີດເຂົ້າໄກ່ນ້ອຍ ແຂວງ ຫົວພັນ ແລະ ຊຽງຂວາງ ໄດ້ສົມທົບກັນລົງຕິດຕາມຊຸກຍູ້ຄວາມຄືບໜ້າການກວດກາຄວບຄຸມພາຍໃນ ຂອງກຸ່ມຜູ້ຜະລິດເຂົ້າໄກ່ນ້ອຍຖິ່ນກຳເນີດ ຢຸ່ບ້ານ ນາວິດ, ບ້ານ ຊຽງຊື້ ເມືອງວຽງໄຊ ແລະ ບ້ານ ຫົວຊຽງ, ບ້ານ ກາງ ເມືອງຊຳເໜືອ ແຂວງ ຫົວພັນ ຈູດປະສົງໃນການລົງໄປຕິດຕາມໃນຄັ້ງນີ້ ເພື່ອຕິດຕາມຄວາມຄືບໜ້າ ສມຄ ສົ່ງເສີມເຂົ້າໄກ່ນ້ອຍແຂວງຫົວພັນ ຫົວໜ້າກຸ່ມ ແລະ ນັກກວດກາຄວບຄຸມພາຍໃນ ໃນການຊ່ວຍສະມາຊິກຜູ້ຜະລິດເຂົ້າໄກ່ນ້ອຍຕື່ມແບບຟອມ ແລະ ເອກະສານອື່ນໆທີ່ກ່ຽວຂ້ອງ ເພື່ອກຽມກະກຽມຄວາມພ້ອມ ສຳລັບການກວດກາພາຍນອກ.
ຂ່າວ: ພະແນກສົ່ງເສີມ ແລະ ພັດທະນາ ຊັບສິນທາງປັນຍາ
ແຫຼ່ງຂໍ້ມູນ: ພະແນກເຄື່ອງໝາຍການຄ້າ ແລະ ຖິ່ນກໍາເນີດ
