DIP: 021 213470-148 | IP Service Center: 021 218710

ກົມຊັບສິນທາງປັນຍາ

ກະຊວງອຸດສາຫະກຳ ແລະ ການຄ້າ

ປະກາດການແຕ່ງຕັ້ງ ຮອງຫົວໜ້າຫ້ອງການ ແລະ ຮອງຫົວໜ້າກົມ ແລະ ພິທີ ໂຄສະນາ-ປະຖະກາຖາວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 20 ປີ

ໃນວັນທີ 13 ກັນຍາ 2022, ທີ່ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີປະກາດການແຕ່ງຕັ້ງ ຮອງຫົວໜ້າຫ້ອງການ ແລະ ຮອງຫົວໜ້າກົມ ແລະ ພິທີ ໂຄສະນາ-ປະຖະກາຖາວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 20 ປີ, ໂດຍການເຂົ້າຮ່ວມເປັນປະທານຂອງ ທ່ານ ນາງ ຈັນສຸກ ແສງພະຈັນ, ຮອງເລຂາຄະນະພັກກະຊວງ, ຮອງລັດຖະມົນຕີ ກະຊວງ ອຄ.

ໃນພິທີຄັ້ງນີ້ ມີຄະນະພັກ, ຄະນະນໍາກະຊວງ, ຕາງໜ້າຄະນະຈັດຕັ້ງສູນກາງພັກ, ບັນດາຫົວໜ້າຫ້ອງການ, ກົມ ແລະ ສະຖານບັນອ້ອມຂ້າງ ກະຊວງດັ່ງກ່າວເຂົ້າຮ່ວມ.

ທ່ານ ນາງ ກິ່ງສະດອນ ເພັດດາວເຮືອງ, ກໍາມະການຄະນະພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ, ໄດ້ຂຶ້ນຜ່ານຂໍ້ຕົກລົງແຕ່ງຕັ້ງຂັ້ນຮອງຫົວໜ້າຫ້ອງການ ແລະ ຮອງຫົວໜ້າກົມ ຈໍານວນ 2 ທ່ານ ຄື: 1. ທ່ານ ຕຸລາໄຊ ພັນທະວົງ ເປັນຮອງຫົວໜ້າຫ້ອງການ; 2. ທ່ານ ໄຊບັນດິດ ໄຊຍະວົງຄໍາດີ ເປັນຮອງຫົວໜ້າກົມຊັບສິນທາງປັນຍາ.

ໃນໂອກາດນີ້ ທ່ານ ນາງ ຈັນສຸກ ແສງພະຈັນ ກໍໄດ້ໃຫ້ກຽດ ໂອລົມຕໍ່ພິທີດັ່ງກ່າວ, ຊຶ່ງທ່ານ ກໍໄດ້ສະແດງຄວາມຊົມເຊີຍ ຕໍ່ 2 ສະຫາຍ ທີ່ໄດ້ຖືກແຕ່ງຕັ້ງເປັນ ຮອງຫົວໜ້າຫ້ອງການ ແລະ ຮອງຫົວໜ້າກົມຊັບສິນທາງປັນຍາ, ພິທີໃນມື້ນີ້ ແມ່ນມີຄວາມໝາຍ ແລະ ຄວາມສໍາຄັນ ເນື່ອງຈາກການແຕ່ງຕັ້ງ, ການສັບຊ້ອນ, ຍົກຍ້າຍປ່ຽນແທນຂອງພະນັກ ງານ-ລັດຖະກອນ ເປັນວຽກງານປົກກະຕິ ຂອງການຈັດຕັ້ງໃນທົ່ວລະບົບການເມືອງຂອງພັກ ແລະ ລັດ, ເປັນການຈັດຕັ້ງປະຕິບັດກົດໝາຍວ່າດ້ວຍ ພະນັກງານ-ລັດຖະກອນ ແລະ ບັນດາມະຕິ, ຄໍາສັ່ງຕ່າງໆຂອງວຽກງານພະນັກງານ-ລັດຖະ ກອນວາງອອກ.

ບັນດາທ່ານທີ່ໄດ້ຖືກແຕ່ງຕັ້ງໃໝ່ ລ້ວນແຕ່ແມ່ນພະນັກງານຫຼັກແຫຼ່ງ ທີ່ໄດ້ຜ່ານຂະບວນການເຕີບໃຫຍ່ຂະ ຫຍາຍຕົວ ໃນວຽກງານຂອງຂະແໜງການອຸດສາຫະກກໍາ ແລະ ການຄ້າ ເປັນຜູ້ທີ່ພົ້ນເດັ່ນ, ມີຄວາາມຮູ້ຄວາມສາມາດທີ່ເຂັ້ມແຂງ, ມີຄວາມເສຍສະຫຼະ ແລະ ຜ່ານການຝຶກຝົນຫຼໍ່ຫຼອມຈາກການເຮັດວຽກອັນໜັກໜ່ວງ ປະກອບສ່ວນທັງແຮງກາຍ ແລະ ສະຕິປັນຍາເຂົ້າໃນໜ້າທີ່ການເມືອງທີ່ຕົນຮັບຜິດຊອບ ຕາມພາລະບົດບາດທີ່ການຈັດຕັ້ງມອບໝາຍໃຫ້ ຢ່າງມີຜົນສໍາເລັດ ແລະ ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ ແລະ ມີແບບແຜນການດໍາລົງຊີວິດທີ່ປອດໃສ, ມີແບບແຜນການນໍາພາ ແລະ ວິທີເຮັດວຽກທີ່ດີ ແລະ ມີສຸຂະພາບແຂງແຮງ ເວົ້າລວມແລ້ວແມ່ນມີເງືອນໄຂຄົບຖ້ວນ ຕາມມາດຕະຖານຕໍາແໜ່ງບໍລິຫານ ແລະ ມາດຖານຂອງພະນັກງານນໍາພາ-ຄຸ້ມຄອງ.

ພ້ອມນັ້ນ ທ່ານ ກໍໄດ້ເນັ້ນໃຫ້ບັນດາທ່ານທີ່ໄດ້ຮັບການແຕ່ງຕັ້ງໃໝ່, ພາຍໃຕ້ສະພາບການໃໝ່ ຫັນປ່ຽນເຂົ້າໃນການດຳລົງຊີວິດແບບໃໝ່ ແລະ ວຽກງານໃໝ່ທີ່ໄດ້ວາງຄາດໝາຍໄວ້, ຍົກສູງຄວາມເອົາໃຈໃສ່ ໃນການຈັດຕັ້ງປະຕິບັດໜ້າທີ່ການເມືອງ ໂດຍສະເພາະ ການຈັດຕັ້ງຜັນຂະຫຍາຍມະຕິຂອງກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX; ສະເພາະຂະແໜງອຸດສາຫະກໍາ ແລະ ການຄ້າ ພວມກ້າວເຂົ້າສູ່ປີທໍາອິດຂອງການຈັດຕັ້ງປະຕິບັດມະຕິ ກອງປະຊຸມໃຫຍ່ ຄັ້ງທີ V ຂອງອົງຄະນະພັກ ກະຊວງອຸດສາຫະກໍາ ແລະ ການຄ້ມາ, ແຜນພັດທະນາອຸດສາຫະກຳປຸງແຕ່ງ ແລະ ການຄ້າ 5 ປີ ຄັ້ງທີ V ໃຫ້ປະກົດຜົນເປັນຈິງ.

ພ້ອມດຽວກັນນັ້ນ, ທ່ານ ນາງ ຈັນສຸກ ແສງພະຈັນ ກໍໄດ້ປະຖະກາຖາວັນສ້າງຕັ້ງສະຫະພັນນັກຮົບເກົ່າ ແຫ່ງຊາດລາວ ຄົບຮອບ 20 ປີ, ອີກດ້ວຍ.

ຂ່າວ ແລະ ພາບ: ພະແນກສົ່ງເສີມ ແລະ ພັດທະນາ ຊັບສິນທາງປັນຍາ