ສປປ ລາວ ໄດ້ລົງນາມບົດບັນທຶກຫຼາຍສະບັບກ່ຽວກັບການຮ່ວມມືສອງຝ່າຍດ້ານຊັບສິນທາງປັນຍາ ຊຶ່ງ ມີລາຍລະອຽດດັ່ງນີ້:
ສັນຍາ | ປີ | ຄຳອະທິບາຍ | ເອກະສານ |
---|---|---|---|
ບົດບັນທຶກຄວາມເຂົ້າໃຈວ່າດ້ວຍການ ຮ່ວມມືໃນຂົງເຂດຊັບສິນອຸດສາຫະກໍາ ຮ່ວມກັບສຳນັກງານສິດທິບັດ ຍີ່ປຸ່ນ | 24/5/2015 | ເພື່ອເສີມຂະຫຍາຍການຮ່ວມມື ກ່ຽວກັບຊັບສິນອຸດສາຫະກຳ ລະຫວ່າງສອງຝ່າຍ (ລາວ-ຍີ່ປຸ່ນ) | |
ບົດບັນທຶກຄວາມເຂົ້າໃຈວ່າດ້ວຍການຮ່ວມມື ໃນຂົງເຂດຊັບສິນທາງປັນຍາ ຮ່ວມກັບສໍານັກງານຊັບສິນທາງປັນຍາ ຂອງປະເທດສິງກະໂປ. | 26/8/2015 | ເພື່ອການແລກປ່ຽນບົດຮຽນແລະປະສົບການໃນການບໍລິຫານແລະການຈົດທະບຽນຊັບສິນທາງປັນຍາ, ຫລຸດຜ່ອນປະລິມານຂອງວຽກທີ່ຍັງຄ້າງກ່ຽວກັບການພິຈາລະນາການຈົດທະບຽນທາງດ້ານສິດທິບັດແລະ ເຄື່ອງໝາຍການຄ້າ, ຮັບປະກັນຄຸນນະພາບຂອງຂັ້ນ ຕອນການກວດສອບ, ລະບົບໄອທີ, ຂັ້ນຕອນການດໍາເນີນງານ, ການແລກປ່ຽນແລະຄຸ້ມຄອງຖານຂໍ້ມູນ. ການຮັບຮູ້ເອົາສໍານັກງານຊັບສິນທາງປັນຍາຂອງປະເທດສິງກະໂປເປັນອົງການກວດຄົ້ນແລະກວດສອບຄໍາຮ້ອງຂໍຮັບສິດທິບັດເບື້ອງຕົ້ນ ສາກົນ. | |
ບົດບັນທຶກຄວາມເຂົ້າໃຈວ່າດ້ວຍ ການຮ່ວມມືໃນຂົງເຂດຊັບສິນທາງປັນຍາ ຮ່ວມກັບສໍານັກງານຊັບສິນທາງປັນຍາຂອງປະເທດຫວຽດນາມ. | 7/11/2015 | ການສ້າງຄວາມອາດສາມາດໃນການຄຸ້ມຄອງຊັບສິນທາງປັນຍາ, ນະໂຍບາຍ ຊັບສິນອຸດສາຫະກໍາ, ການແກ້ໄຂຂໍ້ຂັດແຍ່ງທາງດ້ານຊັບສິນທາງປັນຍາ, ການບໍລິການແລະການຄຸ້ມຄອງການຈົດທະບຽນຊັບສິນທາງປັນຍາດ້ວຍລະບົບອັດຕະໂນມັດ. | |
ບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດ ເຄື່ອງໝາຍການຄ້າແລະຖິ່ນກໍາເນີດຮ່ວມກັບຣາຊະອານາຈັກກໍາປູເຈຍ. | 7/9/2016 | ເພື່ອການແລກປ່ຽນບົດຮຽນທີ່ດີແລະປະສົບການໃນການຄຸ້ມຄອງ,ການຈົດທະບຽນແລະການປົກປ້ອງເຄື່ອງໝາຍການຄ້າແລະຖິ່ນກໍາເນີດພ້ອມທັງເສີມສ້າງຈິດສໍານຶກແລະການສົ່ງເສີມວຽກງານເຄື່ອງໝາຍການຄ້າແລະຖິ່ນກໍາເນີດ. | |
ໜັງສືສະແດງເຈດຈຳນົງຮ່ວມ ເພື່ອອໍານວຍຄວາມສະດວກໃນການອອກສິດທິບັດສໍາລັບຜູ້ຮ້ອງຂໍຮັບສິທິບັດຂອງ ລາວຮ່ວມກັບສໍານັກງານສິດທິບັດຍີ່ປຸ່ນ | 5/10/2016 | ເພື່ອເລັ່ງລັດການພິຈາລະນາຄຳຮ້ອງຂໍສິດທິບັດສຳລັບຜູ້ຮ້ອງຂໍຮັບສິດທິບັດຂອງລາວ ໂດຍນຳໃຊ້ຜົນການກວດສອບສິດທິບັດຂອງສໍານັກງານສິດທິບັດຍີ່ປຸ່ນ | |
ແຜນປະຕິບັດງານ ສົກປີ 2016-2017 ບົນພື້ນຖານ ບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດ ເຄື່ອງໝາຍການຄ້າ ແລະ ຖິ່ນກໍາເນີດ ຮ່ວມກັບຣາຊະອານາຈັກກໍາປູເຈຍ. | 26/10/2016 | ເພື່ອຈັດຕັ້ງປະຕິບັດບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂອບເຂດເຄື່ອງໝາຍການຄ້າ ແລະ ຖິ່ນກຳເນີດ ລະຫວ່າງ ສປປ ລາວ ແລະ ຣາຊະອານາຈັກກໍາປູເຈຍ. | |
ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືໃນຂົງເຂດວຽກງານຊັບສິນທາງປັນຍາ ລະຫວ່າງກົມຊັບສິນທາງປັນຍາ, ກະຊວງ ວິທະຍາສາດ ແລະ ເຕັກໂນໂລຊີ ສປປ ລາວ ແລະ ກົມຊັບສິນທາງປັນຍາ, ກະຊວງການຄ້າແຫ່ງຣາຊະອານາຈັກໄທ | 15/9/2017 | ເພື່ອສົ່ງເສີມ ແລະ ພັດທະນາລະບົບຊັບສິນທາງປັນຍາ ລະຫວ່າງ ສປປ ລາວ ແລະ ຣາຊະອານາຈັກໄທ | |
ບົດບັນທຶກຄວາມເຂົ້າໃຈໃນຂົງເຂດຖິ່ນກຳເນີດ ລະຫວ່າງ ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສປປ ລາວ ແລະ ສຳນັກງານຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສສ ຫວຽດນາມ; | 4/2/2018 | ເພື່ອການແລກປ່ຽນບົດຮຽນທີ່ດີ ແລະ ປະສົບການໃນການຄຸ້ມຄອງ,ການຈົດທະບຽນ ແລະ ການປົກປ້ອງ ຖິ່ນກໍາເນີດ | |
ບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດຊັບສິນທາງປັນຍາ ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ແຫ່ງ ສປປ ລາວ ແລະ ສຳນັກງານຊັບສິນທາງປັນຍາ ແຫ່ງ ສປ ຈີນ | 2/4/2018 | ເພື່ອສ້າງຂອບການຮ່ວມມືສອງຝ່າຍ ໃນການເພີ່ມທະວີ ການແລກປ່ຽນ ບົດຮຽນທາງດ້ານຊັບສິນທາງປັນຍາ ແລະ ອຳນວຍຄວາມສະດວກໃຫ້ແກ່ບັນດາໂຄງການ ແລະ ກິດຈະກໍາຮ່ວມມືທີ່ມີຜົນປະໂຫຍດຮ່ວມກັນ ກ່ຽວກັບ ນະວັດຕະກຳ ແລະ ການສ້າງສັນ, ການນໍາໃຊ້, ການປົກປ້ອງ ແລະ ການຄຸ້ມຄອງຊັບສິນທາງປັນຍາ |
ສປປ ລາວ ໄດ້ລົງນາມໃນສັນຍາລະດັບພາກພື້ນຫລາຍສະບັບກ່ຽວກັບການຮ່ວມມືດ້ານຊັບສິນທາງປັນຍາ ຊຶ່ງມີລາຍລະອຽດດັ່ງນີ້:
ສັນຍາ | ປີ | ຄຳອະທິບາຍ | ເອກະສານ |
---|---|---|---|
ຖະແຫລງການຂອງປະຊາຄົມບັນດາປະເທດໃນອາຊີຕາເວັນອອກສຽງໃຕ້ (ອາຊຽນ) ເດືອນສິງຫາ1967. | 7/1997 | ອົງການຈັດຕັ້ງລະຫວ່າງລັດຖະບານຂອງ 10 ປະເທດໃນອາຊີຕາເວັນອອກສຽງໃຕ້ເພື່ອສົ່ງເສີມ, ແລະ ອໍານວຍຄວາມສະດວກ ໃນການເຊື່ອມໂຍງການຮ່ວມມືທາງດ້ານເສດຖະກິດ, ການເມືອງ, ການທະຫານ, ການສຶກສາ ແລະ ວັດທະນະທໍາ. | |
ໜ່ວຍງານຮ່ວມມືທາງດ້ານຊັບສິນທາງປັນຍາອາຊຽນ(AWGIPC) | 7/1997 | ເພື່ອສົ່ງເສີມແລະອໍານວຍຄວາມສະດວກການຮ່ວມມືກ່ຽວກັບຊັບສິນທາງປັນຍາໃນລະດັບພາກພື້ນອາຊຽນ. | |
ສັນຍາວ່າດ້ວຍການຄ້າເສລີ ລະຫວ່າງອາຊຽນ-ອົດສະຕຣາລີແລະນິວຊີແລນ (AANZFTA) | 1/2011 | ເພື່ອຊຸກຍູ້ສົ່ງເສີມ ການຮ່ວມມືທາງດ້ານຊັບສິນທາງປັນຍາ ລະຫວ່າງອາຊຽນ-ອົດສະຕຣາລີແລະນິວຊີແລນ | |
ແຜນປະຕິບັດງານດ້ານຊັບສິນທາງປັນຍາອາຊຽນ2016-2025. | 11/2015 | ກອບການຮ່ວມມືທາງດ້ານຊັບສິນທາງປັນຍາອາຊຽນໄລຍະ 10 ປີເພື່ອອໍານວຍຄວາມສະດວກ ໃນການຮ່ວມມືແລະການເຊື່ອມໂຍງເພື່ອປະກອບສ່ວນໃຫ້ບັນລຸເປົ້າໝາຍຂອງການສ້າງຕັ້ງປະຊາຄົມເສດຖະກິດອາຊຽນໃນປີ 2025. | |
ການຮ່ວມມືທາງດ້ານເສດຖະກິດຮອບດ້ານໃນພາກພື້ນ(RCEP) | ຍັງຢູ່ໃນຂັ້ນຕອນ ເຈລະຈາ | ເພື່ອໃຫ້ບັນລຸສັນຍາວ່າດ້ວຍການຮ່ວມມືທາງດ້ານເສດຖະກິດຮອບດ້ານທີ່ມີຄຸນນະພາບສູງໃນພາກພື້ນໂດຍຕ່າງຝ່າຍຕ່າງມີຜົນປະໂຫຍດຮ່ວມກັນ ລະຫວ່າງອາຊຽນ-ອົດສະຕຣາລີແລະນິວຊີແລນ, ອິນເດຍ, ສ.ເກົາຫລີ, ສປ.ຈີນ, ຍີ່ປຸ່ນທີ່ລວມເອົາການຄ້າທາງດ້ານສິນຄ້າ ແລະ ບໍລິການ,ການລົງທຶນ, ການຮ່ວມມືທາງດ້ານເສດຖະກິດແລະວິຊາການ, ຊັບສິນທາງປັນຍາ, ການແຂ່ງຂັນ, ການຄ້າຜ່ານທາງອີເລັກໂຕຣນິກ,ການແກ້ໄຂຂໍ້ຂັດແຍ່ງທາງດ້ານເສດຖະກິດແລະບັນຫາອື່ນໆ. | |
ບົດບັນທຶກການຮ່ວມມືວ່າດ້ວຍການຮ່ວມມືແບບຮອບດ້ານໃນຂົງເຂດຊັບສິນທາງປັນຍາ ລະຫວ່າງ ສຳນັກງານຊັບສິນທາງປັນຍາອາຊຽນ ແລະ ສຳນັກງານຊັບສິນທາງປັນຍາ ສ. ເກົາຫລີ. | ເພື່ອສ້າງຂອບການຮ່ວມມືແນໃສ່ສົ່ງເສີມການພັດທະນາລະບົບຊັບສິນທາງປັນຍາຂອງສອງຝ່າຍ ເພື່ອປະກອບສ່ວນເຂົ້າໃນການພັດທະນາເສດຖະກິດໃຫ້ຂະຫຍາຍຕົວ ລະຫວ່າງອາຊຽນ ແລະ ສ.ເກົາຫຼີ. |
ສປປ ລາວ ໄດ້ລົງນາມສັນຍາສາກົນຫລາຍສະບັບກ່ຽວກັບຊັບສິນທາງປັນຍາ ຊຶ່ງສາມາດສະຫລຸບໄດ້ດັ່ງຕາຕະລາງລຸ່ມນີ້:
ສັນຍາ | ປີ | ຄຳອະທິບາຍ | ເອກະສານ |
---|---|---|---|
ສົນທິສັນຍາລິຂະສິດສາກົນ (UCC) | 8/1954 | ແມ່ນສັນຍາສາກົນທີ່ສະໜັບສະໜູນການແຈ້ງຜົນງານລິຂະສິດ. | |
ສົນທິສັນຍາວ່າດ້ວຍການສ້າງຕັ້ງອົງການຊັບສິນທາງປັນຍາໂລກ (WIPO) | 1/1995 | WIPOແມ່ນໜຶ່ງໃນບັນດາອົງການສະເພາະດ້ານຂອງສະຫະປະຊາຊາດຮັບຜິດຊອບກ່ຽວກັບວຽກງານຊັບສິນທາງປັນຍາ. | |
ສົນທິສັນຍາປາຣີວ່າດ້ວຍການປົກປ້ອງຊັບສິນອຸດສາຫະກໍາ | 10/1998 | ແມ່ນສົນທິສັນຍາສາກົນທໍາອິດທີ່ໃຫ້ການປົກປ້ອງສິດຕໍ່ຊັບສິນອຸດສາຫະກໍາ. | |
ສົນທິສັນຍາວ່າດ້ວຍການຮ່ວມມືທາງດ້ານສິດທິບັດ (PCT) | 6/2006 | ແມ່ນສົນທິສັນຍາສາກົນເພື່ອການຈົດທະບຽນສາກົນກ່ຽວກັບສິດທິບັດຊຶ່ງເຮັດໃຫ້ຜູ້ຮ້ອງຂໍສິດທິບັດໄດ້ຮັບຄວາມສະດວກ, ປະຢັດເວລາແລະປະຢັດຄ່າໃຊ້ຈ່າຍ. | |
ສົນທິສັນຍາເບີນວ່າດ້ວຍການປົກປ້ອງຜົນງານທາງດ້ານວັນນະກໍາແລະສິລະປະກໍາ | 3/2012 | ແມ່ນສົນທິສັນຍາສາກົນທໍາອິດທີ່ໃຫ້ການປົກປ້ອງລິຂະສິດ. | |
ສັນຍາວ່າດ້ວຍການສ້າງຕັ້ງອົງການການຄ້າໂລກ(WTO) | 2/2013 | WTO ແມ່ນອົງການຈັດຕັ້ງສາກົນທີ່ເຮັດວຽກກ່ຽວກັບການຄ້າ. | |
ສັນຍາວ່າດ້ວຍການຄ້າທີ່ຕິດພັນກັບສິດຕໍ່ຊັບສິນທາງປັນຍາ. (TRIPS) | 2/2013 | ແມ່ນໜຶ່ງໃນບັນດາສັນຍາຂອງອົງການ WTO ທີ່ກໍານົດມາດຕະຖານຂັ້ນຕໍ່າກ່ຽວກັບສິດຕໍ່ຊັບສິນທາງປັນຍາ. | |
ອະນຸສັນຍາທີ່ຕິດພັນກັບສັນຍາມາດຣິດວ່າດ້ວຍການຈົດທະບຽນສາກົນກ່ຽວກັບເຄື່ອງໝາຍ. (MADRID PROTOCOL) | 3/2016 | ແມ່ນສົນທິສັນຍາສາກົນ ທີ່ອໍານວຍຄວາມສະດວກໃນການຈົດທະບຽນສາກົນກ່ຽວກັບເຄື່ອງໝາຍໄດ້ຮັບຄວາມສະດວກ, ປະຢັດເວລາແລະປະຢັດຄ່າໃຊ້ຈ່າຍ. | |
ສັນຍາວ່າດ້ວຍການສ້າງຕັ້ງສູນສະໜອງຂໍ້ມູນຂ່າວສານທາງດ້ານເຕັກໂນໂລຊີ ແລະ ນະວັດຕະກຳ ລະຫວ່າງກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ແລະ ອົງການຊັບສິນທາງປັນຍາໂລກ | 6/10/2017 | ເພື່ອສົ່ງເສີມການພັດທະນາເຕັກໂນໂລຊີ ແລະ ນະວັດຕະກຳ ໂດຍຜ່ານການສ້າງເຄື່ອຂ່າຍ TISC ໃນ ສປປ ລາວ |