ກົມຊັບສິນທາງປັນຍາ
ພາລະບົດບາດ
ກົມຊັບສິນທາງປັນຍາ ຂຽນຕົວອັກສອນຫຍໍ້ວ່າ ”ກຊປ” ສັງກັດໃນໂຄງປະກອບກົງຈັກ ຂອງກະຊວງອຸດສາຫະກຳ ແລະ ການຄ້າ, ມີພາລະບົດບາດເປັນເສນາທິການໃຫ້ແກ່ ຄະນະພັກ, ຄະນະນຳກະຊວງ ໃນການຄຸ້ມຄອງມະຫາພາກ ກ່ຽວກັບ ວຽກງານ ສິດທິບັດ, ອະນຸສິດທິບັດ, ແບບອຸດສາຫະກຳ ເຄື່ອງໝາຍການຄ້າ ຊື່ການຄ້າ, ຄວາມລັບທາງການຄ້າ, ຖິ່ນກຳເນີດ, ແບບຜັງວົງຈອນລວມ, ພັນພືດໃໝ່, ລິຂະສິດ ແລະ ສິດກ່ຽວ ຂ້ອງກັບລິຂະສິດ, ລວມທັງການສົ່ງເສີມ ແລະ ພັດທະນາ, ການບໍລິການ, ການປົກປ້ອງ ແລະ ການແກ້ໄຂຂໍ້ຂັດແຍ່ງທາງດ້ານຊັບສິນທາງປັນຍາ ໃນຂອບເຂດທົ່ວປະເທດຕາມຄວາມຮັບຜິດຊອບຂອງກະຊວງອຸດສາຫະກຳ ແລະ ການຄ້າ.
ວິໄສທັດ
ຊັບສິນທາງປັນຍາ ເປັນແຮງຊຸກຍູ້ ການພັດທະນາ ນະວັດຕະກໍາ, ເຕັກໂນໂລຊີ, ການເຕີບໂຕທາງດ້ານເສດຖະກິດ-ສັງຄົມ ແລະ ວັດທະນະທໍາ ຂອງ ສປປ ລາວ
(Intellectual property as a driving force for the development of innovation, technology, socio-economic and culture of Lao PDR)
ພັນທະກິດ
- ສົ່ງເສີມການນໍາໃຊ້ວຽກງານຊັບສິນທາງປັນຍາ ກາຍເປັນເຄື່ອງມືທີ່ເອື້ອອຳນວຍໃຫ້ແກ່ການພັດທະນາທຸລະກິດ; (To promote intellectual property as a powerful tool
to enhance business development;) - ຍົກລະດັບການບໍລິການວຽກງານຊັບສິນທາງປັນຍາ ໃຫ້ທັນສະໄໝແລະ ໂປ່ງໃສ; (To upgrade the intellectual property services as modern and transparent;)
- ສົ່ງເສີມຄວາມຮັບຮູ້ ແລະ ສ້າງຂີດຄວາມສາມາດທາງດ້ານຊັບສິນທາງປັນຍາ ໃຫ້ແກ່ ສາທາລະນະຊົນ, ທຸລະກິດ ແລະ ສະຖາບັນການສຶກສາ; (To enhance awareness and capacity on intellectual property for the public, business, and academic institutions;)
ຄ່ານິຍົມ
- ຄວາມເປັນມືອາຊີບ (Professionalism)
- ຈັນຍາບັນ (Integrity)
- ຄວາມໂປ່ງໃສ (Transparency)
- ຄວາມຮັບຜິດຊອບ (Accountability)