ແປພາສາ:

ປົກປ້ອງ: ອົງປະກອບ ແລະ ການເຊື່ອມຕໍ່ກັນຂອງຊິບ ອາຍຸການປົກປ້ອງ: 12 ປີ
ເວລາ:​ ~3 ເດືອນ ຄ່າໃຊ້ຈ່າຍ: ~9 ແສນ ກີບ
ຂັ້ນຕອນຂໍຈົດທະບຽນ ນິຕິກຳສະເພາະ: ຂໍ້ຕົກລົງວ່າດ້ວຍແບບຜັງວົງຈອນລວມ

ແບບຜັງວົງຈອນລວມ (Layout-Designs of Integrated Circuits) ແມ່ນ ແບບແຜນຜັງ ຫຼືຮູບແຕ້ມ ທີ່ເຮັດຂຶ້ນ ບໍ່ວ່າຈະໃນຮູບແບບໃດ ຫຼື ວິທີໃດ ເພື່ອໃຫ້ເຫັນ ເຖິງການຈັດວາງສິ້ນສ່ວນທາງໄຟຟ້າ ຫຼືທາງເດີນໄຟຟ້າ ເພື່ອໃຊ້ຜະລິດເປັນວົງຈອນ ລວມ ບໍ່ວ່າຈະຢູ່ໃນຮູບແບບໃດ ເຊັ່ນ: ແຜນຜັງ (Layout Design) ຊຶ່ງເປັນຮູບ ແຕ້ມການຈັດວາງຂອງວົງຈອນໄຟຟ້າ ແລະ ແບບທີ່ເປັນງານໜ້າກາກ ຊຶ່ງໃຊ້ໃນການ ຜະລິດວົງຈອນລວມ ຮູບຖ່າຍລາຍເສັ້ນຂອງວົງຈອນລວມ.

 
ເງື່ອນໄຂ ທີ່ຈະໄດ້ຮັບແບບຜັງວົງຈອນລວມ

 ສິ່ງທີ່ສາມາດໄດ້ຮັບແບບຜັງວົງຈອນລວມ ຕ້ອງມີເງື່ອນໄຂຄົບຖ້ວນ ​ດັ່ງ​​ນີ້:

  • ເປັນແບບຜັງຕົ້ນສະບັບທີ່ບໍ່ຄືຂອງໃຜ;
  • ເປັນແບບຜັງ ທີ່ປະກອບດ້ວຍ ການປະສານຮ່ວມກັນ ລະຫວ່າງ ສ່ວນປະກອບ ແລະ ສ່ວນເຊື່ອມຕໍ່;
  • ຄຳຮ້ອງຂໍຈົດທະບຽນຕ້ອງຍື່ນກ່ອນວັນທີ່ນຳເອົາແບບຜັງວົງຈອນລວມໄປສະແຫວງຫາຜົນປະໂຫຍດ ແລະ ໃຊ້ໃນທາງການຄ້າໃນທົ່ວໂລກ ໂດຍເຈົ້າຂອງ ຫຼື ພາຍໃນສອງປີ ນັບແຕ່ວັນດັ່ງກ່າວ ເປັນຕົ້ນມາ.
 
ສິ່ງທີ່ບໍ່ສາມາດຈົດທະບຽນແບບຜັງວົງຈອນລວມ

ສິ່ງທີ່ບໍ່ສາມາດຈົດທະບຽນແບບຜັງວົງຈອນລວມ ມີດັ່ງນີ້:

  • ຫຼັກການ, ກຳມະວິທີ, ລະບົບ ຫຼື ວິທີການປະຕິບັດງານ ຂອງວົງຈອນລວມ;
  • ຂໍ້ມູນຂ່າວສານ ຫຼື ຊອບແວ ທີ່ບັນຈຸຢູ່ໃນວົງຈອນລວມ.

ຄຸນປະໂຫຍດ

  • ປົກປ້ອງບໍ່ໃຫ້ຜູ້ອື່ນສະແຫວງຫາຜົນປະໂຫຍດ ໂດຍນຳໃຊ້ຜົນງານຂອງທ່ານ
  • ອະນຸຍາດໃຫ້ຜູ້ອື່ນ ນໍາໃຊ້ລິຂະສິດ ຫຼື ສິດທິ່ກ່ຽວຂ້ອງກັບລິຂະສິດ ເພື່ອສະແຫວງຫາຜົນປະໂຫຍດ (Copyright licensing)
 
ແບບຜັງວົງຈອນລວມ ມີໄລຍະເວລາການປົກປ້ອງ 12 ປິ
ຄ່າທຳນຽມ ແລະ ຄ່າບໍລິການ
ຄ່າທຳນຽມ: 400.000 ກີບ ແລະ ຄ່າບໍລິການ: 270.000 ກີບ/ໝວດ. ກໍລະນີ ຄຳຮ້ອງ ກາຍ 30 ໜ້າ ແມ່ນຄິດໄລ່ເພີ່ມ 10.000 ກີບ/ໜ້າ. ຄ່າພິມເຜີຍແຜ່: 200.000 ກີບ. ກໍລະນີທີ່ຜູ້ຮ້ອງຂໍ ມີຈຸດປະສົງຂໍຖອນຄຳຮ້ອງ ຫຼື ຄຳຮ້ອງຖືກສະຫຼະສິດ ຫຼື ຖືກປະຕິເສດ ຈະບໍ່ມີການສົ່ງຄືນຄ່າທຳນຽມ ແລະ ຄ່າບໍລິການທີ່ໄດ້ຈ່າຍໄປແລ້ວ.
 
ກຳນົດເວລາຂອງການອອກໃບຢັ້ງຢືນ
– ຖ້າຄຳຮ້ອງຄົບຖ້ວນ ແລະ ບໍ່ມີການຄັດຄ້ານ ຈະໃຊ້ເວລາຢ່າງໜ້ອຍ 105 ວັນ.
– ຖ້າມີການຄັດຄ້ານຄຳຮ້ອງ ຫຼື ມີການປະຕິເສດເບື້ອງຕົ້ນ ຈະໃຊ້ເວລາຢ່າງໜ້ອຍ 225 ວັນ.

ຂັ້ນຕອນການຈົດທະບຽນ

1. ປະກອບຄຳຮ້ອງຕາມແບບພິມຂອງກົມຊັບສິນທາງປັນຍາ ແລະ ຍື່ນ ຄຳຮ້ອງນຳກົມຊັບສິນທາງປັນຍາ. ກົມຊັບສິນທາງປັນຍາ ຈະຮັບເອົາຄຳຮ້ອງ ແລະ ອອກໃບຮັບຄຳຮ້ອງໃຫ້ສະເພາະຄຳຮ້ອງທີ່ມີເອກະສານຄົບຖ້ວນຕາມເງື່ອນໄຂຕໍ່າສຸດເທົ່ານັ້ນ. ຊຶ່ງເງື່ອນໄຂຕໍ່າສຸດປະກອບມີດັ່ງນີ້:

 
(i) ຄຳຮ້ອງ;
(ii) ບົດອະທິບາຍຂອງແບບຜັງວົງຈອນລວມ;
(iii) ໃບຮັບເງິນຄ່າທຳນຽມ ແລະ ຄ່າບໍລິການ.
(iv) ຖ້າຫາກຍື່ນຜ່ານຜູ້ຕາງໜ້າ ຕ້ອງມີໃບມອບສິດ.
 
2. ຜູ້ຮ້ອງຂໍ ຕ້ອງປະກອບເອກະສານເພີ່ມເຕີມໃຫ້ສຳເລັດພາຍໃນ 15 ວັນ ກົມຊັບສິນທາງປັນຍາ ຈິ່ງຈະກວດສອບເບື້້ອງຕົ້ນ. ການກວດສອບເບື້ອງຕົ້ນ ຈະດຳເນີນການ ພາຍໃນ 60 ວັນ ນັບແຕ່ວັນທີທີ່ໄດ້ຮັບເອົາຄຳຮ້ອງ. ຖ້າເອກະສານບໍ່ຄົບຖ້ວນ ທາງກົມຊັບສິນທາງປັນຍາ ຈະອອກແຈ້ງການໃຫ້ຜູ້ຮ້ອງຂໍ ແລະ ຜູ້ຮ້ອງຂໍ ຕ້ອງປະຕິບັດຕາມແຈ້ງການ ພາຍໃນ 60 ວັນ ນັບຈາກວັນທີທີ່ໄດ້ອອກແຈ້ງການ ຖ້າບໍ່ປະຕິບັດຕາມ ຄຳຮ້ອງຈະບໍ່ຖືກພິຈາລະນາ ແລະ ຖືວ່າສະຫຼະສິດ. ຖ້າເອກະສານຄົບຖ້ວນຕາມເງື່ອນໄຂຂອງການກວດສອບເບື້ອງຕົ້ນ ທາງກົມຊັບສິນທາງປັນຍາ ຈະເຜີຍແຜ່ລົງໃນຈົດໝາຍເຫດທາງລັດຖະການ ກ່ຽວກັບການຈົດທະບຽນຊັບສິນອຸດສາຫະກຳ ພາຍໃນ 15 ວັນ ພາຍຫຼັງສຳເລັດການກວດສອບເບື້ອງຕົ້ນ.
3. ເມື່ອມີການເຜີຍແຜ່ຄຳຮ້ອງແລ້ວ ພາຍໃນ 60 ວັນ ບຸກຄົນທີສາມ ສາມາດຍື່ນຂໍຄັດຄ້ານໄດ້ ໂດຍປະກອບຄຳຮ້ອງຕາມແບບພິມຂອງກົມຊັບສິນທາງປັນຍາ ແລະ ຈ່າຍຄ່າບໍລິການ. ຖ້າຫາກຜົນຂອງການຄັດຄ້ານມີເຫດຜົນພຽງພໍ ທາງກົມຊັບສິນທາງປັນຍາຈະປະຕິເສດຄຳຮ້ອງ ແຕ່ຖ້າຫາກບໍ່ມີເຫດຜົນພຽງພໍທາງກົມຊັບສິນທາງປັນຍາ ຈະສືບຕໍ່ພິຈາລະນາຄຳຮ້ອງ.
4. ພາຍຫຼັງທີ່ສຳເລັດການພິຈາລະນາແລ້ວ ກົມຊັບສິນທາງປັນຍາ ຕ້ອງຈົດທະບຽນໃຫ້ ແລະ ເຜີຍແຜ່ຜົນຂອງການຈົດທະບຽນ ພາຍໃນ 15 ວັນ.

ແປພາສາ:

ປົກປ້ອງ: ອົງປະກອບ ແລະ ການເຊື່ອມຕໍ່ກັນຂອງຊິບ ອາຍຸການປົກປ້ອງ: 12 ປີ
ເວລາ:​ ~3 ເດືອນ ຄ່າໃຊ້ຈ່າຍ: ~9 ແສນ ກີບ
ຂັ້ນຕອນຂໍຈົດທະບຽນ ນິຕິກຳສະເພາະ: ຂໍ້ຕົກລົງວ່າດ້ວຍແບບຜັງວົງຈອນລວມ

ແບບຜັງວົງຈອນລວມ (Layout-Designs of Integrated Circuits) ແມ່ນ ແບບແຜນຜັງ ຫຼືຮູບແຕ້ມ ທີ່ເຮັດຂຶ້ນ ບໍ່ວ່າຈະໃນຮູບແບບໃດ ຫຼື ວິທີໃດ ເພື່ອໃຫ້ເຫັນ ເຖິງການຈັດວາງສິ້ນສ່ວນທາງໄຟຟ້າ ຫຼືທາງເດີນໄຟຟ້າ ເພື່ອໃຊ້ຜະລິດເປັນວົງຈອນ ລວມ ບໍ່ວ່າຈະຢູ່ໃນຮູບແບບໃດ ເຊັ່ນ: ແຜນຜັງ (Layout Design) ຊຶ່ງເປັນຮູບ ແຕ້ມການຈັດວາງຂອງວົງຈອນໄຟຟ້າ ແລະ ແບບທີ່ເປັນງານໜ້າກາກ ຊຶ່ງໃຊ້ໃນການ ຜະລິດວົງຈອນລວມ ຮູບຖ່າຍລາຍເສັ້ນຂອງວົງຈອນລວມ.

 
ເງື່ອນໄຂ ທີ່ຈະໄດ້ຮັບແບບຜັງວົງຈອນລວມ

 ສິ່ງທີ່ສາມາດໄດ້ຮັບແບບຜັງວົງຈອນລວມ ຕ້ອງມີເງື່ອນໄຂຄົບຖ້ວນ ​ດັ່ງ​​ນີ້:

  • ເປັນແບບຜັງຕົ້ນສະບັບທີ່ບໍ່ຄືຂອງໃຜ;
  • ເປັນແບບຜັງ ທີ່ປະກອບດ້ວຍ ການປະສານຮ່ວມກັນ ລະຫວ່າງ ສ່ວນປະກອບ ແລະ ສ່ວນເຊື່ອມຕໍ່;
  • ຄຳຮ້ອງຂໍຈົດທະບຽນຕ້ອງຍື່ນກ່ອນວັນທີ່ນຳເອົາແບບຜັງວົງຈອນລວມໄປສະແຫວງຫາຜົນປະໂຫຍດ ແລະ ໃຊ້ໃນທາງການຄ້າໃນທົ່ວໂລກ ໂດຍເຈົ້າຂອງ ຫຼື ພາຍໃນສອງປີ ນັບແຕ່ວັນດັ່ງກ່າວ ເປັນຕົ້ນມາ.
 
ສິ່ງທີ່ບໍ່ສາມາດຈົດທະບຽນແບບຜັງວົງຈອນລວມ

ສິ່ງທີ່ບໍ່ສາມາດຈົດທະບຽນແບບຜັງວົງຈອນລວມ ມີດັ່ງນີ້:

  • ຫຼັກການ, ກຳມະວິທີ, ລະບົບ ຫຼື ວິທີການປະຕິບັດງານ ຂອງວົງຈອນລວມ;
  • ຂໍ້ມູນຂ່າວສານ ຫຼື ຊອບແວ ທີ່ບັນຈຸຢູ່ໃນວົງຈອນລວມ.

ຄຸນປະໂຫຍດ

  • ປົກປ້ອງບໍ່ໃຫ້ຜູ້ອື່ນສະແຫວງຫາຜົນປະໂຫຍດ ໂດຍນຳໃຊ້ຜົນງານຂອງທ່ານ
  • ອະນຸຍາດໃຫ້ຜູ້ອື່ນ ນໍາໃຊ້ລິຂະສິດ ຫຼື ສິດທິ່ກ່ຽວຂ້ອງກັບລິຂະສິດ ເພື່ອສະແຫວງຫາຜົນປະໂຫຍດ (Copyright licensing)
 
ແບບຜັງວົງຈອນລວມ ມີໄລຍະເວລາການປົກປ້ອງ 12 ປິ
ຄ່າທຳນຽມ ແລະ ຄ່າບໍລິການ
ຄ່າທຳນຽມ: 400.000 ກີບ ແລະ ຄ່າບໍລິການ: 270.000 ກີບ/ໝວດ. ກໍລະນີ ຄຳຮ້ອງ ກາຍ 30 ໜ້າ ແມ່ນຄິດໄລ່ເພີ່ມ 10.000 ກີບ/ໜ້າ. ຄ່າພິມເຜີຍແຜ່: 200.000 ກີບ. ກໍລະນີທີ່ຜູ້ຮ້ອງຂໍ ມີຈຸດປະສົງຂໍຖອນຄຳຮ້ອງ ຫຼື ຄຳຮ້ອງຖືກສະຫຼະສິດ ຫຼື ຖືກປະຕິເສດ ຈະບໍ່ມີການສົ່ງຄືນຄ່າທຳນຽມ ແລະ ຄ່າບໍລິການທີ່ໄດ້ຈ່າຍໄປແລ້ວ.
 
ກຳນົດເວລາຂອງການອອກໃບຢັ້ງຢືນ
– ຖ້າຄຳຮ້ອງຄົບຖ້ວນ ແລະ ບໍ່ມີການຄັດຄ້ານ ຈະໃຊ້ເວລາຢ່າງໜ້ອຍ 105 ວັນ.
– ຖ້າມີການຄັດຄ້ານຄຳຮ້ອງ ຫຼື ມີການປະຕິເສດເບື້ອງຕົ້ນ ຈະໃຊ້ເວລາຢ່າງໜ້ອຍ 225 ວັນ.

ຂັ້ນຕອນການຈົດທະບຽນ

1. ປະກອບຄຳຮ້ອງຕາມແບບພິມຂອງກົມຊັບສິນທາງປັນຍາ ແລະ ຍື່ນ ຄຳຮ້ອງນຳກົມຊັບສິນທາງປັນຍາ. ກົມຊັບສິນທາງປັນຍາ ຈະຮັບເອົາຄຳຮ້ອງ ແລະ ອອກໃບຮັບຄຳຮ້ອງໃຫ້ສະເພາະຄຳຮ້ອງທີ່ມີເອກະສານຄົບຖ້ວນຕາມເງື່ອນໄຂຕໍ່າສຸດເທົ່ານັ້ນ. ຊຶ່ງເງື່ອນໄຂຕໍ່າສຸດປະກອບມີດັ່ງນີ້:

 
(i) ຄຳຮ້ອງ;
(ii) ບົດອະທິບາຍຂອງແບບຜັງວົງຈອນລວມ;
(iii) ໃບຮັບເງິນຄ່າທຳນຽມ ແລະ ຄ່າບໍລິການ.
(iv) ຖ້າຫາກຍື່ນຜ່ານຜູ້ຕາງໜ້າ ຕ້ອງມີໃບມອບສິດ.
 
2. ຜູ້ຮ້ອງຂໍ ຕ້ອງປະກອບເອກະສານເພີ່ມເຕີມໃຫ້ສຳເລັດພາຍໃນ 15 ວັນ ກົມຊັບສິນທາງປັນຍາ ຈິ່ງຈະກວດສອບເບື້້ອງຕົ້ນ. ການກວດສອບເບື້ອງຕົ້ນ ຈະດຳເນີນການ ພາຍໃນ 60 ວັນ ນັບແຕ່ວັນທີທີ່ໄດ້ຮັບເອົາຄຳຮ້ອງ. ຖ້າເອກະສານບໍ່ຄົບຖ້ວນ ທາງກົມຊັບສິນທາງປັນຍາ ຈະອອກແຈ້ງການໃຫ້ຜູ້ຮ້ອງຂໍ ແລະ ຜູ້ຮ້ອງຂໍ ຕ້ອງປະຕິບັດຕາມແຈ້ງການ ພາຍໃນ 60 ວັນ ນັບຈາກວັນທີທີ່ໄດ້ອອກແຈ້ງການ ຖ້າບໍ່ປະຕິບັດຕາມ ຄຳຮ້ອງຈະບໍ່ຖືກພິຈາລະນາ ແລະ ຖືວ່າສະຫຼະສິດ. ຖ້າເອກະສານຄົບຖ້ວນຕາມເງື່ອນໄຂຂອງການກວດສອບເບື້ອງຕົ້ນ ທາງກົມຊັບສິນທາງປັນຍາ ຈະເຜີຍແຜ່ລົງໃນຈົດໝາຍເຫດທາງລັດຖະການ ກ່ຽວກັບການຈົດທະບຽນຊັບສິນອຸດສາຫະກຳ ພາຍໃນ 15 ວັນ ພາຍຫຼັງສຳເລັດການກວດສອບເບື້ອງຕົ້ນ.
3. ເມື່ອມີການເຜີຍແຜ່ຄຳຮ້ອງແລ້ວ ພາຍໃນ 60 ວັນ ບຸກຄົນທີສາມ ສາມາດຍື່ນຂໍຄັດຄ້ານໄດ້ ໂດຍປະກອບຄຳຮ້ອງຕາມແບບພິມຂອງກົມຊັບສິນທາງປັນຍາ ແລະ ຈ່າຍຄ່າບໍລິການ. ຖ້າຫາກຜົນຂອງການຄັດຄ້ານມີເຫດຜົນພຽງພໍ ທາງກົມຊັບສິນທາງປັນຍາຈະປະຕິເສດຄຳຮ້ອງ ແຕ່ຖ້າຫາກບໍ່ມີເຫດຜົນພຽງພໍທາງກົມຊັບສິນທາງປັນຍາ ຈະສືບຕໍ່ພິຈາລະນາຄຳຮ້ອງ.
4. ພາຍຫຼັງທີ່ສຳເລັດການພິຈາລະນາແລ້ວ ກົມຊັບສິນທາງປັນຍາ ຕ້ອງຈົດທະບຽນໃຫ້ ແລະ ເຜີຍແຜ່ຜົນຂອງການຈົດທະບຽນ ພາຍໃນ 15 ວັນ.