ກົມຊັບສິນທາງປັນຍາ, ກະຊວງອຸດສາຫະກໍາ ແລະ ການຄ້າ ໄດ້ເປັນເຈົ້າພາບ ຈັດກອງປະຊຸມຜູ້ປະສານງານລະບົບຈົດທະບຽນຊັບສິນທາງປັນຍາ ອາຊຽນ (ASEAN IP Register) ຄັ້ງທີ 6, ໃນວັນທີ 16-19 ທັນວາ 2024, ທີ່ໂຮງແຮມສຸພັດຕາ, ແຂວງ ຫຼວງພະບາງ, ພາຍໃຕ້ການເປັນປະທານກ່າວເປີດກອງປະຊຸມໂດຍ ທ່ານໄຊບັນດິດ ໄຊຍະວົງຄໍາດີ ຮອງຫົວໜ້າກົມຊັບສິນທາງປັນຍາ, ກະຊວງອຸດສາຫະກໍາ ແລະ ການຄ້າ, ພ້ອມກັນນັ້ນມີທ່ານ ນາງ ທິຕະພາ ວັດຕະນະພຸດທີສານ ຫົວໜ້າຫ້ອງການ ອົງການຊັບສິນທາງປັນຍາໂລກ ປະຈໍາສິງກະໂປ, ທ່ານ ດຣ ຈຸນໂຮ ຈາງ ທີ່ປືກສາທາງດ້ານທຸລະກິດ ຈາກອົງການຊັບສິນທາງປັນຍາໂລກ ແລະ ຜູ້ຕາງໜ້າຫ້ອງການສິດທິບັດຍີ່ປຸ່ນ, ກອງເລຂາອາຊຽນ ແລະ ຫ້ອງການຊັບສິນທາງປັນຍາອາຊຽນ, ຕີມໍເລສດເຕ ແລະ ຄະນະຜູ້ແທນເຂົ້າຮ່ວມ.

ກອງປະຊຸມຄັ້ງນີ້ ມີຈຸດປະສົງເພື່ອພັດທະນາລະບົບຊັບສິນທາງປັນຍາອາຊຽນ ໂດຍເນັ້ນໜັກໃນການເສີມສ້າງນະວັດຕະກໍາ, ຄວາມຄິດສ້າງສັນ ແລະ ການເຕີມໂຕທາງເສດຖະກິດຂອງການຈົດທະບຽນຊັບສິນທາງປັນຍາອາຊຽນ. ກອງປະຊຸມໃນຄັ້ງນີ້ຍັງໄດ້ຮັບການຊ່ວຍເຫຼືອຈາກອົງການຊັບສິນທາງປັນຍາໂລກ WIPO, ແລະ ສໍານັກງານສິດທິບັດຍີ່ປຸ່ນ JPO ທີ່ໃຫ້ການສະໜັບສະໜຸນໃນການພັດທະນາຊັບສິນທາງປັນຍາໃນລະດັບສາກົນ ໂດນເນັ້ນການປັບປຸງມາດຖານຂັ້ນສູງ ເຊັ່ນ: ການວິເຄາະຂໍ້ມູນທາງທຸລະກິດ ແລະ ການຈັດການຖານຂໍ້ມູນຊັບສິນທາງປັນຍາ ນອກຈາກນີ້ ການປະຊຸມຍັງໄດ້ປືກສາຫາລືກ່ຽວກັບ ສິ່ງທ້າທາຍຕ່າງໆ ໃນຄຸນນະພາບຂອງຂໍ້ມູນ, ຄວາມສົມບູນຂອງຂໍ້ມູນ ແລະ ການນໍາຂໍ້ມູນໄປໃຊ້ໃນທາງການຄ້າໃນການສ້າງກົນລະຍຸດໄດ້ແກ່ ການເພີ້ມຖານຂໍ້ມູນສີ່ງຊີ້ບອກທາງພູມສາດ ການສໍາຫຼວດຂໍ້ມູນສິດທິີບັດທີ່ກ່ຽວກັບເພດ ແລະ ການເພີ່ມຂີດຄວາມສາມາດທາງເຕັກນີກ. ກອງປະຊຸມຍັງໄດ້ເນັ້ນໜັກການຮ່ວມມືລະດັບພາກພື້ນຜ່ານຂໍ້ຕົກລົງທະວິພາຄີ ແລະ ການປະສານນະໂຍບາຍການປືກສາຫາລືດັ່ງກ່າວຈະກໍານົດທິດທາງໃນອານາຄົດຂອງທະບຽນຊັບສິນທາງປັນຍາອາຊຽນ ໂດຍສົ່ງເສີມການມີສ່ວນຮ່ວມ ແລະ ການເຮັດວຽກຮ່ວມກັນຢ່າງເຂັ້ມແຂງ ເພື່ອສ້າງລະບົບຊັບສິນທາງປັນຍາທີ່ຄວບຄຸມມີປະສິດທິພາບ ແລະ ພ້ອມສໍາລັບອານາຄົດ.

ສະນັ້ນ, ການປຶກສາຫາລື ແລະ ແລກປ່ຽນທັດສະນະຮ່ວມກັນ ໃນການກຳນົດແນວທາງການພັດທະນາລະບົບຊັບສິນທາງປັນຍາຂອງສາກົນ, ໂດຍສະເພາະ ຄວາມສຳຄັນໃນການເຊື່ອມໂຍງກັນ ລະຫວ່າງ ແຜນຍຸດທະສາດຊັບສິນທາງປັນຍາ ປິ 2045, ຕິດພັນກັບ ການເຕີບໂຕຂອງ 5 ຂະແໜງການເສດຖະກິດ ຄື: ເສດຖະກິດສີຂຽວ Green Economy, ເສດຖະກິດສີຟ້າ Blue economy, ເສດຖະກິດສ້າງສັນ Creative Economy, ເສດຖະກິດ ດີຈີຕອລ ແລະ ເສດຖະກິດວິທະຍາສາດ, ເທັກໂນໂລຊີ ແລະ ນະວັດຕະກຳ Science, Technology, and Innovation Economy ອີກດ້ອຍ.